Les mots surlignés font l'objet d'une note
1A madamoyselle de Tournon, contesse de
2Rossillon
3Supplient très humblement voz pouvres subgetz du lieu et parroisse
4de Preaulx, tant hommes que femmes que les soldatz de la
5compagnie du cappitaine Mazel estant lougez au lieu de Preaulx
6y font si grand et effrenné nombre de maulx quest chose
7inestimable et à cueur de toute personne impossibla [sic] comprendre
8de racompter à vous, madamoyselle les insolences quilz y
9font, mesmes quilz prennent les femmes aux maisons où ilz
10ne peulvent aprehender les hommes, icelles lyent et attachent
11et mènent avecques eulx et gardent nuict et jour en
12leur lougis sans permettre qui soient accompaignez
13daulcune personne se jattent de rester leurs petitz
14enfans du brasseau, tellement que plusieurs desdites
15femmes avec leurs petitz enfans ont esté contrainctes
16à deslaysser les maisons et se retyre tant dans
17votre château d’Ay, que ailleurs pour evitter les excessif
18tormens que lesdits soldatz leur donnent, ilz rompent
19et brisent tous les meubles, ustencilles estans dans
20les maisons ; iceulx bruslent, pillent et sacquagent
21tout ce quilz treuvent, arransonnent les pouvres
22hommes, iceulx attachent et pendent avec des cordes
23et font plusieurs aultres tormens ausdits supplians,
24quilz n’ausent vous racompter tant sont excecrables.
25Ce concidéré, madamoyselle sera votre bon plaisir de y
26pourveoir de votre remède agreable, attendu que les
27pouvres supplians sont de votre terre, day et sceu,
28à tout le moingtz permettre, attendu les excecrables
29[v°] maulx que lesdits soldatz font ausdits suppliantz de se bander
30contre eulx comme lesdits supplians verront leur estre plus
31commode ; attendu aussi que lesdits soldatz disent quilz ne
32deslogeront dudit lieu de huict jours. Si ferés bien et les
33pouvres supplians prieront Dieu comme ilz font journellement
34pour votre noble estat et seigneurie, que Dieu vous veullent
35maintenir et accroistre.
36Lan mil cinq cens septante quatre et le vendredy huictiesme
37jour du moys de janvier, par devant nous, notaires royaulx
38soubz signés et en presence des tesmoingtz comme il est dit.
39Pierre Gontier, habitant d’Ay sestant presenté par devant
40contesse de Rossillon, a dict avoir esté expressement
42envoyé devers sa seigneurie par les consulz et scindicz
43dudit Ay et Suray pour, et à leur nom, luy presenter la
44requeste dernier escripte et la supplyer très humblement
45vouloir, à lhonneur de Dieu, leur pourveoir à ce que les
46foulles et oppressions que ses pouvres soubgetz desdits
47mandemens d’Ay et Seray souffrent et suportent cessent
48et les soldatz qui sont à leurs maisons en deslogent
49après y avoir esté et seiourné tant de temps quilz
50y sont ; de quoy ladite dame a requis actes par
51nous notaires royaulx, requerant de ladite requeste
52estre retenu regonu deuement collacionné et signé pour
53sen servir et en avoir recours où et à qui il appartiendra
54[9] par raison. Faict au château de Tournon en la chambre de ladite
55dame y presente, pour tesmoingtz Anthoine Boullion, escuyer de
56Virieu en Daulphiné, maitre Benoict de Fillion, notaire de Torchefelon
57audit pays de Daulphiné, soubz signés en loriginal des
58presentes, ledit Gontier ne scachant escripre comme a dict,
59nous Guillaume Delas et François Lemeur, notaires royaulx
60recepvantz. Soubsignés Lemeur, Delas, notaires ; de Fillion
61tesmoing, A. Boullion, present.
62Coppie tyrée à son original, collationnée
63à icelluy par moy, susdit notaire royal
64requisition de ladite dame.
66Delas notaire